• 15 December 2018 21:38
Jai Kannada
Jai Kannada
Blog single photo
October 03, 2018

ಮಹಿಳೆ ಸೇರಿದಂತೆ ನಾಲ್ವರು ವ್ಯಕ್ತಿಗಳು ಅಪಘಾತಕ್ಕೆ ಬಲಿ 

ಮಂಡ್ಯ: ಅಕ್ಟೋಬರ್ 2ರಂದು ಗಾಂಧಿ ಜಯಂತಿ ದಿನದಂದೇ ವಿಧಿಯಾಟಕ್ಕೆ ಅವರು ಬಲಿಯಾಗಿದ್ದರು.  ಮಂಡ್ಯದ ಗುತ್ತಾಲು ರಸ್ತೆಯಲ್ಲಿ ಸಂಭವಿಸಿದ ಅಪಘಾತದಲ್ಲಿ ಮಹಿಳೆ ಸೇರಿದಂತೆ ನಾಲ್ವರು ವ್ಯಕ್ತಿಗಳು ಅಪಘಾತಕ್ಕೆ ಬಲಿಯಾದರು. ಅವರು ಪ್ರಯಾಣಿಸುತ್ತಿದ್ದ ವಾಹನವು ಚಾಲಕನ ನಿಯಂತ್ರಣ ತಪ್ಪಿ ಅಡ್ಡಾದಿಡ್ಡಿಯಾಗಿ ಚಲಿಸಲಾರಂಭಿಸಿತು. ಅಪಘಾತದಲ್ಲಿ ಏಳು ಮಂದಿ ಗಂಭೀರ ಗಾಯಗೊಂಡರು. ಮೂವರ ಸ್ಥಿತಿ ಚಿಂತಾಜನಕವಾಗಿದೆ.

ಟ್ರಕ್‌ನಲ್ಲಿ ಎಳನೀರುಗಳನ್ನು ತುಂಬಲಾಗಿತ್ತು. ಕೆ.ಎಂ.ದೊಡ್ಡಿ ಕಡೆಯಿಂದ ಅದು ಪಟ್ಟಣವನ್ನು ಪ್ರವೇಶಿಸಿತ್ತು. ಗುತ್ತಾಲು ರಸ್ತೆಯಲ್ಲಿ ವಾಹನ ತನ್ನ ಮಾರ್ಗವನ್ನು ಬದಲಿಸಿ ಪಾದಚಾರಿಗಳತ್ತ ನುಗ್ಗಿತು. ಅದು ಮೋಟರ್ ಬೈಕ್‌ವೊಂದಕ್ಕೆ ಮತ್ತು ಸ್ಕೂಟರಿಗೆ ಡಿಕ್ಕಿ ಹೊಡೆದು ನಿಂತಿತು. ಅದರ ಚಾಲಕ ಅಪಘಾತದ ಬಳಿಕ ಸ್ಥಳದಿಂದ ಪರಾರಿಯಾಗಿದ್ದ.

ಮೃತರನ್ನು ಗಿರಿಜಮ್ಮ, ರಾಹುಲ್, ರಫಿ ಮತ್ತು ಶಶಾಂಕ್ ಎಂದು ಗುರುತಿಸಲಾಗಿದೆ. ನಟೇಶ್, ಕೋಕಿಲಾ, ವಿನಯ್ , ರಿಜ್ವಾನ್, ನಿಯಾಮಕ್, ಜಮೀರ್ ಖಾನ್ ಮತ್ತು ಪ್ರಸನ್ನ ಅವರಿಗೆ ಗಂಭೀರ ಗಾಯಗಳಾಗಿವೆ. ವಿನಯ್, ನಟೇಶ್ ಮತ್ತು ಕೋಕಿಲ ಅವರ ಸ್ಥಿತಿ ಗಂಭೀರವಾಗಿದೆ. ಎಲ್ಲರನ್ನೂ ಬೆಂಗಳೂರಿನ ನಿಮ್ಹಾನ್ಸ್‌ಗೆ ದಾಖಲು ಮಾಡಲಾಗಿದೆ.
 

Recent Comments

Leave Comments

footer
Top