ಬೆಂಗಳೂರು: ತಮಿಳುನಾಡಿಗೆ ನೀರು ಬಿಡುವಂತೆ ಸುಪ್ರೀಂಕೋರ್ಟ್ ಆದೇಶವನ್ನು  ಧಿಕ್ಕರಿಸಿದ ಕರ್ನಾಟಕ ಸರ್ಕಾರ ನೀರು ಬಿಡದೇ ಇರುವ ಕಠಿಣ ನಿರ್ಧಾರವನ್ನು ತೆಗೆದುಕೊಂಡಿದೆ. ಸರ್ವ ಸದಸ್ಯರ ಸಭೆಯಲ್ಲಿ ಚರ್ಚಿಸಿದಂತೆ ಉಭಯ ಸದನಗಳಲ್ಲಿ ತೀರ್ಮಾನವಾಗುವ  ತನಕ ನೀರು ಬಿಡದಿರಲು ನಿರ್ಧರಿಸಿರುವುದಾಗಿ ಸಿದ್ದರಾಮಯ್ಯ ತಿಳಿಸಿದರು.

ಬೆಂಗಳೂರು: ಕಾವೇರಿ ನದಿ ವಿವಾದದಿಂದ ಭುಗಿಲೆದ್ದ ಹಿಂಸಾಚಾರಕ್ಕೆ ಇನ್ನೊಂದು ಜೀವ ಬಲಿಯಾಗಿದೆ. 32 ವರ್ಷದ ವ್ಯಕ್ತಿಯೊಬ್ಬ ಕಟ್ಟಡದ ಮೂರನೇ  ಮಹಡಿಯಿಂದ ಕೆಳಕ್ಕೆ ಹಾರಿ ತೀವ್ರ ಗಾಯಗಳಿಂದ ಆಸ್ಪತ್ರೆಯಲ್ಲಿ ಅಸುನೀಗಿದ್ದಾರೆ.

ವ್ರತ್ತಿಯಲ್ಲಿ ಬಾರ್ ಬೆಂಡರ್ ಆಗಿರುವ ಕುಮಾರ್ ನಾರಾಯಣ್ ಸುಂಕದಕಟ್ಟೆ ನಿವಾಸಿಯಾಗಿದ್ದು, ಪೊಲೀಸರು ಮಾಗಡಿರಸ್ತೆಯ ಬ್ಯಾಡರಹಳ್ಳಿಯಲ್ಲಿ ರಾತ್ರಿ 10.30ಕ್ಕೆ ಹಿಂಸಾಚಾರ ನಿರತ ಗುಂಪನ್ನು ಚದುರಿಸಲು ಲಾಠಿ ಪ್ರಹಾರ ಮಾಡಿದಾಗ ಕುಮಾರ್ ನಾರಾಯಣ್ ಕಟ್ಟಡದ ಮೂರನೇ ಮಹಡಿಯಲ್ಲಿ ಆಶ್ರಯ ಪಡೆದಿದ್ದರು.

ಬೆಂಗಳೂರು: ಪ್ರತಿ ದಿನ 12 ಟಿಎಂಸಿ ಕಾವೇರಿ ನೀರನ್ನು ತಮಿಳುನಾಡಿಗೆ ಹರಿಸುವಂತೆ ಸುಪ್ರೀಂಕೋರ್ಟ್ ಆದೇಶದ ಜತೆಗೆ ತಮಿಳುನಾಡಿನಲ್ಲಿ ಕನ್ನಡಿಗರ ಮೇಲೆ ಹಲ್ಲೆ ನಡೆಸಲಾಗಿರುವ ವರದಿಯಿಂದ ರೊಚ್ಚಿಗೆದ್ದ ಜನರಿಂದ ಬೆಂಗಳೂರು ಅಕ್ಷರಶಃ ಹೊತ್ತಿಉರಿಯಿತು.

ಬಾಹ್ಯಾಕಾಶ ಕ್ಷೇತ್ರದಲ್ಲಿ ಮಹತ್ತರ ಸಾಧನೆ ಮಾಡಿರುವ ಇಸ್ರೊ ಭಾನುವಾರ ಬೆಳಿಗ್ಗೆ ಹೊಸ ರಾಕೆಟ್ ಎಂಜಿನ್‌ ಪ್ರಾಯೋಗಿಕ ಪರೀಕ್ಷೆ  ನಡೆಸಿದೆ. ಈ ರಾಕೆಟ್ ಎಂಜಿನ್ ಉಡಾವಣೆ ವೆಚ್ಚವನ್ನು 10 ಪಟ್ಟು ಕಡಿಮೆಯಾಗಿಸುವ ಸಾಧ್ಯತೆಯಿದೆ. ರಾಕೆಟ್ ಎಂಜಿನ್ ಯಶಸ್ವಿ ಉಡಾವಣೆಯಿಂದ ಈ ತಂತ್ರಜ್ಞಾನ ಹೊಂದಿರುವ ಎರಡು ಏಕಮಾತ್ರ ರಾಷ್ಟ್ರಗಳ ಲೀಗ್‌ಗೆ ಭಾರತ ಸೇರಿದೆ.

ನವದೆಹಲಿ: ಸುದೀರ್ಘ ಕಾಲ ವಿಳಂಬವಾದ ಜಿಎಸ್‌ಟಿ ಸಂವಿಧಾನ ಮಸೂದೆ ಸಂಸತ್ತಿನಲ್ಲಿ ಅನುಮೋದನೆಯಾಗುವ ಮೂಲಕ ತೆರಿಗೆ ಸುಧಾರಣೆಗೆ ಸರ್ಕಾರ ಐತಿಹಾಸಿಕ ಕ್ರಮ ಕೈಗೊಂಡಿದೆ. ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಜಿಎಸ್‌ಟಿ  ಮಸೂದೆಯು ತೆರಿಗೆ ಭಯೋತ್ಪಾದನೆ ತಡೆಯಲು ಮತ್ತು ಭ್ರಷ್ಟಾಚಾರ ಹಾಗೂ ಕಪ್ಪುಹಣ ನಿವಾರಣೆಗೆ ನಿರ್ಣಾಯಕವಾಗಿದೆ ಮತ್ತು ಗ್ರಾಹಕನನ್ನು ರಾಜನನ್ನಾಗಿಸುತ್ತದೆ ಎಂದು ಬಣ್ಣಿಸಿದ್ದಾರೆ.

ಬೆಂಗಳೂರು, : ಮಹದಾಯಿ ನದಿ ನೀರು ಹಂಚಿಕೆ ಕುರಿತಂತೆ ರಾಜ್ಯ ಸರ್ಕಾರವು ಸಲ್ಲಿಸಿದ್ದ ಅರ್ಜಿಯನ್ನು ತಿರಸ್ಕರಿಸಿ ನ್ಯಾಯಾಧಿಕರಣವು ಮಧ್ಯಂತರ ತೀರ್ಪು ಪ್ರಕಟಿಸಿರುವ ಹಿನ್ನೆಲೆಯಲ್ಲಿ ಆವೇಶ ಬೇಡ, ಆಕ್ರೋಶ ಬೇಡ ಎಂದು ರಾಜ್ಯದ ಜನತೆಯಲ್ಲಿ ಕಳಕಳಿಯ ಮನವಿ ಮಾಡಿರುವ ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು ಮಹದಾಯಿ ನದಿ ನೀರು ಹಂಚಿಕೆ ಕುರಿತಂತೆ ರಾಜ್ಯದ ನ್ಯಾಯಬದ್ಧ ಹಕ್ಕು ಪ್ರತಿಪಾದಿಸಲು ನ್ಯಾಯಾಧಿಕರಣದಲ್ಲಿ ಹಾಗೂ ಭಾರತ ಸರ್ವೋಚ್ಛ ನ್ಯಾಯಾಲಯದಲ್ಲಿ ಕಾನೂನು ಹೋರಾಟವನ್ನು ಮುಂದುವರೆಸಲು ಸರ್ಕಾರ ಸಿದ್ಧತೆ ನಡೆಸಿದೆ ಎಂದು ಭರವಸೆ ನೀಡಿದರು.

ತಮ್ಮ ಅಧಿಕೃತ ನಿವಾಸ ಕಾವೇರಿಯಲ್ಲಿ ಬುಧವಾರ ಮಾಧ್ಯಮದವರೊಡನೆ ಮಾತನಾಡುತ್ತಿದ್ದ ಸಿದ್ದರಾಮಯ್ಯ ಅವರು ರಾಷ್ಟ್ರೀಯ ಜಲ ನೀತಿಯನ್ವಯ ಕುಡಿಯುವ ನೀರಿಗೆ ಆಧ್ಯತೆ ನೀಡಬೇಕಾಗುತ್ತದೆ. ಉತ್ತರ ಕರ್ನಾಟಕದ ಪ್ರಮುಖ ನಗರಿಗಳಿಗೆ ಕುಡಿಯುವ ನೀರು ಒದಗಿಸಲು ಮಹದಾಯಿ ನದಿಯಿಂದ 7.56 ಟಿ. ಎಂ. ಸಿ ನೀರು ಹಂಚಿಕೆಗೆ ಸಮ್ಮತಿ ನೀಡದ ನ್ಯಾಯಾಧೀಕರಣದ ಈ ಮಧ್ಯಂತರ ತೀರ್ಪು ಸೋಜಿಗವನ್ನು ಉಂಟು ಮಾಡಿದೆ.

ಭಾರತೀಯ ವಾಯುಪಡೆಯ ಎಎನ್-32 ಸಾರಿಗೆ ವಿಮಾನವೊಂದು ಬಂಗಾಳಕೊಲ್ಲಿಯಲ್ಲಿ ನಾಪತ್ತೆಯಾಗಿದ್ದು, ವಿಮಾನಪತನಗೊಂಡಿರಬಹುದೆಂದು ಶಂಕಿಸಲಾಗಿದೆ. ಸುಮಾರು 21 ಜನರಿದ್ದ ವಿಮಾನ ಚೆನ್ನೈನ ತಾಂಬರಂನಿಂದ ಪೋರ್ಟ್ ಬ್ಲೇರ್ ಕಡೆಗೆ ಹೊರಟಿದ್ದಾಗ ನಿಯಂತ್ರಣ ಕೊಠಡಿಯ ಸಂಪರ್ಕ ಕಳೆದುಕೊಂಡಿತು. 12 ಕ್ಕೂ ಹೆಚ್ಚು ನೌಕಾದಳ ಮತ್ತು ಕರಾವಳಿ ಕಾವಲುಪಡೆ ನೌಕೆಗಳು ಬಂಗಾಳಕೊಲ್ಲಿಯಲ್ಲಿ ವಿಮಾನಕ್ಕಾಗಿ ಶೋಧ ನಡೆಸಿವೆ.

ಮಾಜಿ ಮುಖ್ಯಮಂತ್ರಿ ಉಮನ್ ಚಾಂಡಿ ಸೇರಿದಂತೆ ಐವರು ರಾಜಕಾರಣಿಗಳು ತನ್ನನ್ನು ಲೈಂಗಿಕವಾಗಿ ಬಳಸಿಕೊಂಡು ಅವರ ಅವ್ಯವಹಾರಗಳಿಗೂ ನನ್ನನ್ನು ಉಪಯೋಗಿಸಿದ್ದಾರೆ ಎಂದು ಕೇರಳದ ಸೋಲಾರ್ ಹಗರಣದ ಆರೋಪಿ ಸರಿತಾ ನಾಯರ್ ಆರೋಪಿಸಿದ್ದಾರೆ.

ಬೆಂಗಳೂರು, ಜುಲೈ 18 : ಎಂ.ಕೆ.ಗಣಪತಿ ಆತ್ಮಹತ್ಯೆ ಪ್ರಕರಣದಲ್ಲಿ ಬೆಂಗಳೂರು ನಗರಾಭಿವೃದ್ಧಿ ಸಚಿವ ಕೆ.ಜೆ.ಜಾರ್ಜ್  ಅವರು ಸಚಿವ ಸ್ಥಾನಕ್ಕೆ ರಾಜೀನಾಮೆ ನೀಡಿದ್ದಾರೆ. ತಮ್ಮ ವಿರುದ್ಧ ಎಫ್‌ಐಆರ್ ದಾಖಲಾಗಿರುವುದರಿಂದ ನಿಷ್ಪಕ್ಷಪಾತ ತನಿಖೆ ನಡೆಯಲಿ ಎಂಬ ಉದ್ದೇಶದಿಂದ ರಾಜೀನಾಮೆ ನೀಡಿದ್ದಾಗಿ ಜಾರ್ಜ್ ಹೇಳಿದ್ದಾರೆ.